Ах, лыжы - мае, лыжы!
Студзень прынёс не толькі мноства святочных дзён, але і парадаваў снегам, па якім паспелі ўжо засумаваць і дзеці, і дарослыя.
Лыжныя прагулкі дзяцей
Вучыцца хадзіць на лыжах дашкольнікі пачынаюць з пяці гадоў.
Лыжы - адно з самых даступных спартыўных зімовых захапленняў. Хадзьба на лыжах умацоўвае фізічнае здароўе дзяцей, з'яўляецца выдатным гартуючым сродкам, спрыяе развіццю шпаркасці, цягавітасці, каардынацыі, умацаванню апорна-рухальнага апарата, а ўплыў свежага паветра асабліва дабратворна для дзейнасці органаў дыхання. Лыжныя прагулкі ўсёй сям'ёй - гэта скарбонка сумесных радасцяў, успамінаў, уражанняў.
Дзеці вельмі стараюцца спазнаць асновы лыжнага спорту, вучацца самі абуваць лыжы, кіравацца з лыжнымі палкамі, каардынаваць свае дзеянні на лыжах. Усе задаволеныя, ружовашчокія, з захопленымі водгукамі вяртаюцца з зімовай прагулкі!
