У нашым дзіцячым садку прайшлі Навагоднія ранішнікі!
З Новым вас добрым i радасным годам!
Хлеба i сонейка, мiру i згоды!
Моцнага ўсiм вам здароўя, сябры.
Мiрная зорка хай ярка гарыць.
Збудуцца ўсе вашы мары, жаданнi.
Светлым i радасным стрэне вас ранне!
Кожны год у канцы снежня для выхаванцаў ўсіх узроставых груп у нашым дзіцячым садзе арганізуюцца святочныя навагоднія ранішнікі. Прыгожа упрыгожаная зала, прыбраная елка, цудоўныя касцюмы, падарункі, Дзед Мароз, Снягурка і мноства іншых казачных герояў чакалі нашых выхаванцаў.
Рознакаляровыя, зіготкія гірлянды і ярка ўпрыгожаная елачка прынеслі дзецям адчуванне цуду. З самага пачатку прадстаўлення казачныя героі захаплялі дзяцей у чароўны свет казкі. Дзеці акунуліся ў святочную атмасферу прыгод, паўдзельнічалі ў цікавых конкурсах. З з'яўленнем Дзеда Мароза пачалося сапраўднае свята з песнямі і танцамі, карагодамі вакол елкі.
Усе дашкольнікі з задавальненнем праяўлялі свае таленты: танцавалі, вадзілі карагоды, расказвалі вершы, спявалі песні, гулялі. Мора радасці і эмоцый выклікалі падарункі, уручаныя дзецям з рук самога Дзядулі Мароза!
Святы атрымаліся вельмі вясёлымі і радаснымі, дзеці атрымалі шмат прыемных уражанняў і эмоцый.
Ужо пасля святаў у групах ішло гарачае абмеркаванне ўбачанага. Дзеці разважалі, выстаўлялі свае гіпотэзы наконт таго, як адбывалася чараўніцтва. А для нас лепшы падарунак да Новага года - гэта бачыць шчаслівыя вочы дзяцей.
