* Маці, што кветка: дзе яна ёсць, там і водар.
Маці – найлепшае і найцудоўнейшае з усяго, што створана калі-небудзь прыродай, гэта дом, адкуль мы выйшлі, гэта цяпло і спакой. Вось, напэўна, таму дзень 14 кастрычніка па прыкладзе многіх краін свету ў 1996 годзе ўзведзены і ў Беларусі ў ранг асаблівых. Дзень маці супадае з вялікім народным святам Пакроваў. Нашы маці гатовы ратаваць нас ад любога няшчасця, засланіць сваімі грудзьмі, каб толькі з намі нічога не здарылася.
Быць матуляй - гэта і вялікае шчасце, і вялікая адказнасць, і цяжкая праца. Мы хочам павіншаваць усіх жанчын з выдатным і пяшчотным святам - Днём Маці! Жадаем кожнай жанчыне, якая вартая называцца ганарлівым словам — мама, Вялізнага шчасця. Каб ласкавыя вочы свяціліся дабрынёй і гонарам за сваіх дзяцей. Каб радасць і лёгкасць спадарожнічалі і натхнялі. Будзьце самымі любімымі, неабходнымі і каштоўнымі! Жадаем вам моцнага здароўя, цярпення, дабрабыту, любові. Няхай вашы дзеткі будуць паслухмянымі, шчаслівымі. Няхай дораць вам самую шчырую і далікатную ўсмешку.
Няма нічога важней, чым матчына сэрца.
Няма нічога бясцэнней, чым матчына цяпло.
Няхай жа заўсёды Бог захоўвае светлае пачуццё, якое злучае душы маці і дзіцяці!
Я слаўлю мамы светлае імя –
Пяшчотнае, нібыта яблынь квецень.
Матулінага сэрца цеплыня
Нас сагравае лепш за ўсё на свеце.
Я слаўлю мамы светлую душу,
Якая разумее нас з паўслова.
Я толькі маму памагчы прашу,
Калі жыццё паставіцца сурова.
Я слаўлю позірк маміных вачэй,
Якія бачаць, што нам невядома.
Даруйце боль праплаканых начэй,
Калі нас доўга не бывае дома.
Я слаўлю маму, бо яна – як Бог –
Усім прабачыць і усё даруе,
Яна для нас сабою ахвяруе,
Як аніхто пакуль яшчэ не змог.
