Дзень роднай мовы 21.02.2020
Дзень роднай мовы адзначаюць сёння ва ўсім свеце. Міжнародным гэта свята стала 21 год таму. Паводле звестак ЮНЕСКА, зараз існуе каля 6 тысяч розных моў. Культурную разнастайнасць захоўваюць і ў нашай краіне. Жывую і мілагучную матчыну мову вывучаюць з дзяцінства. Ствараюцца беларускамоўныя дзіцячыя садкі і групы. З'яўляюцца клубы для дарослых. Дарэчы, беларускай мовай цікавяцца і замежнікі.
Мама хвалюецца раз
Мама хвалюецца – раз:
Нехта залез пад матрац.
Мама хвалюецца – два:
Выцягні бот з рукава!
Мама хвалюецца – тры:
Цацкі ў пакоі збяры!
І не раскідвай гарох!
Мама ўжо лічыць да трох.
Гэтыя чорныя дзіры
Зноў на каленках… Чатыры!
Мама хвалюецца – пяць:
Спі! Нават бэйбусы спяць!
Андрэй Хадановіч
